Samuel Lino, në radarët e Aston Villas

  Nën urdhërat e Unay Emery-s Aston Villa është shëndërruar në një ekip tepër të sikletshëm, në çdo kompeticion.

Spanjolli po bën një punë që meriton duartrokitje, i cili në asnjë moment nuk e ka shmangur vëmëndjen edhe nga merkatoja.

Numri një i stolit është rikthyer në kampionatin spanjoll, atje ku filloi eksperiencën si trainer.

Pikërisht tek Atletico Madridi është ndalur pasi rendimenti i Samuel Linos në këtë fillim sezoni e ka befasuar, i cili falë besimit që i ka dhënë Diego Simeone aktualisht është një ndër më të mirët e ekipit.

Sipas ‘ Football Insider ‘ tek braziliani spikat shpejtësia dhe përshtatja në disa pozicione të ofensivës, gjithashtu një lojtar shumë teknik i cili i vë në vështirësi rivalët.

‘’ Los Villanos ‘’ janë në kërkim të një zëvëndësuesi për Moussa Diaby-n, i transferuar tek Al- Ittihad në Arabinë Saudite.

Por duke qenë se flitet për një ekip elite, aspirues për fitimin e titujve të rëndësishëm dhe me një trainer si ‘’ El Cholo ‘’, arrihet në konkluzionin se për anglezët do të jetë tejet e vështirë për ta arritur objektivin.

Argjentinasi e njeh kualitetin e ishi-t të Valencias, prezenca e të cilit i ka sjellë avantazhe lojës së ‘’ Los Colchoneros ‘’, një ndër rivalët më të vështirë për tu mundur në çdo kompeticion.

9 sfida numëron nxënësi i Diego Simeones deri më tani dhe efektiviteti në metrat e fundit është një plus për ‘’ Los Rojiblacos ‘’ gjatë sfidave.