Është mbyllur në barazim pa gola, sfida mes Dinamos dhe Skënderbeut, e vlefshme për javën e 15-të në Abissnet Superiore.
Në 45 minutat e para rastet nuk munguan për të dyja skuadrat, që iu afruan disa herë golit të avantazhit.
Në fakt korçarët e gjetën golin në minutën e 4-t, me Mensah, por gjyqtari pas konsultimit me VAR, vendosi ta anulojë, për faull gjatë aksionit.
Në pjesën e dytë golin e gjeti edhe Dinamo me Siljanovskin në minutën e 54-t, por që u anulua nga VAR për pozicion jashtë loje. Në fund të takimit, Skënderbeu kishte rastin më të mirë të ndeshjes, me Mensah që pasi merr një top nga Nikaj, del i vetëm me portierin Simoni, por ky i fundit e ndal, duke mbajtur portën e paprekur.
Me këtë barazim, të dyja skuadrat mbeten në kuotë të barabartë me nga 15 pikë dhe mbajnë vendin e 7-të dhe të 8-të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
