Pavarësisht blerjes së Kim Min- Jaes, lojtar i cili e ka bërë trainerin Luciano Spaletti ta harrojë Kalidou Koulibaly-n , tek Napoli priten të tjera zhvillime gjatë merkatos së janarit.
‘’ Azurrët ‘’ kanë mbetur të mahnitur nga mbrojtësi i Lilles Tiago Djalo, i cili është bërë menjëherë pjesë e planeve të bardhekaltërve.
Sipas prestigjozes italiane ‘ Correre dello Sport ‘, kryesuesit aktualë të Scudettos do ti ofrojnë 15 milionë euro francezëve për portugezin , lojtar që duket mëse i përgatitur për t’iu bashkuar një ekipi me famë .
Napoli është një ndër më potentët e Italisë dhe momenti i mrekullueshëm sigurisht konsiderohet një motiv për të dhënë maksimumin në vazhdimësi dhe të ruajë protagonizmin e deritanishëm deri në fundin e sezonit.
Kontrata e 22 vjeçarit me ‘’ Les Dogues ‘’ merr fund në 2024-tën dhe për francezët shitja e tij do të mbushte arkat por në plan të parë besohet se do të kërkojnë rritjen e ofertës nga ana e drejtuesve të Napolit , e cila është shumë pak nëse konsiderohen paraqitjet e bëra nga Tiago Djalo.
Ecuria e mrekullueshme e luzitanit detyron dëgjimin e ofertave dhe interesi i ekipeve me emër cilësohet i pashmangshëm por Napoli shikohet favorit për ta transferuar në të famshmin ‘’ Diego Armando Maradona ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
