Pas largimit të Roberto Firminos tek Al- Ahli , skuadra e Al-Ittihad ka nisur ofensivën për një tjetër yll të Liverpoolit. Flitet për Mohamed Salah , për të cilin sipas ‘ La Gazzetta dello Sport ‘ drejtuesit e arabëve kanë ofruar 300 milionë euro, 100 prej tyre do të kalojnë në arkat e Liverpoolit ndërsa 200 milionë euro të tjera do ti korrespondojnë pagës së golashënuesit, të shoqëruara me një kontratë për tre vite përtej kontinentit të vjetër. Një ofertë e tillë konsiderohet pa dyshim bombastike për 31 vjeçarin dhe mund ta vërë seriozisht në rrezik vijimësinë tek ‘’ The Redsat ‘’. Nëse do të pranohet nga drejtuesit e Liverpoolit, një lojtar i këtij kalibri sigurisht do t’ia shtonte cilësinë kampionatit të Arabisë Saudite , i cili ka marrë fokusin kryesor në merkato dhe po bën bujë për arsye të ofertave të majme . Në shtatë sezonet me këtë skuadër , ishi i Romës ka treguar se mbetet një ndër më të mirët e Liverpoolit dhe jo vetëm , eksperiencë që e ka shoqëruar me 307 sfida, 187 gola dhe 76 asiste.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
