Huazimi tek Bayern Munchen i ka dhënë shansin Philippe Coutinhos për të provuar një tjetër eksperiencë me Barcelonën por dëmtimet e shumta nuk e kanë lënë të ngrejë kokë brazilianin e talentuar . Interesi i fundit i bavarezëve për ta rikthyer në ‘’ Allianz Arena ‘’ ia ka hapur dritën jeshile ekstremit sepse këtë herë këta të fundit mendojnë të blejnë përfundimisht kartonin e tij . Drejtuesit e gjermanëve besojnë se një aventurë e re e Philippe Coutinhos do të rezultonte shumë produktive si për Bayernin ashtu edhe për të sepse ka nevojë me çdo kusht ti japë përfundimisht lamtumirën etapës së kalvareve të pafundme të përjetuara me katalanasit . Kjo njollë në karrierën e 28 vjeçarit ndoshta do të fshihet shumë shpejt në gjirin e Bayern Munchen sepse ia krijon komoditetin për të rikuperuar versionin më të mirë në fushë .
Një problematikë që do ti shoqërojë gjithmonë katalanasit në lidhje me mesfushorin e ‘’ Selecaos ‘’ është se nuk ka justifikuar 130 milionë eurot e derdhura në arkat e Liverpoolit në janarin e 2018- tës . Adaptimi në Primera Division përkrah Lionel Messit u parashikua se do të ishte një çështje që do të zgjidhej shumë shpejt por më kot sepse gjithcka ka marrë një tjetër rrjedhë dhe aktualisht ‘’ Blaugranët ‘’ e cilësojnë ishin e Vasco De Gamas , Interit , Espanyolit dhe Liverpoolit si një ndër blerjet më të dështuara në historinë e klubit .
Philippe Coutinho e ka shoqëruar rendimentin e dobët me 14 ndeshje dhe 3 gola në sezonin aktual dhe interesi i Bayernit shikohet si shpresa e vetme për lojtarin nga Rio De Janeiro që ta mbyllë përfundimisht këtë kapitull zhgënjyes .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
