Te Bayern Munich, kanë filluar të mendojnë edhe për sezonin e ri. Klubi bavarez, ka arritur së fundmi marrëveshjen për afrimin e parë për sezonin e ardhshëm.
Kampionët e Gjermanisë, do të firmosin me lojtarin e Leipzig, Konrad Laimer. Austriaku është në fund të kontratës dhe Leipzig dhe nga sezoni i ardhshëm do të luajë për Bayernin.
25-vjeçari, i cili numëron 24 ndeshje dhe 2 gola me Kombëtaren, do të transferohet me parametra zero në Bavari në fund të këtij sezoni pas raportimeve të gjermanes Sport Bild.
Laimer është pjesë e Leipzigut prej verës së vitit 2017, ndërkohë që për momentin është i dëmtuar dhe vazhdon të kryejë fazën e rikuperimit për të qenë sa më shpejt në dispozicion të skuadrës së tij.
Austriaku bën mirë të dy fazat e lojës në mesin e fushës, ndërkohë që mund të luajë edhe si mesfushor i djathtë. Një afrim që gëzon edhe trajnerin Nagelsmann, i cili ka punuar me lojtarin gjatë kohës që drejtonte Leipzigun.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
