Teuta ka mposhtur Kukësin me rezultatin 2-3, në ndeshjen e vlefshme për javën e katërt në “Abissnet Superiore”.
Pritej një ndehsje spektakolare dhe ashtu ishte! Pjesa e parë, ishte e gjitha për t’u shijuar, teksa u shënuan plot 5 gola. Albano Aleksi i dha avantazhin durrsakëve në minutën e 7-të, ndërsa Feijao vendosi baraspeshën.
Gjelbrim Taipi i dha avantazhin për herë të parë verilindorëve në minutën e 26-të, duke shndërruar në gol një penallti të akorduar me VAR. Megjithatë asgjë nuk kishte përfunduar këtu për pjesën e parë, pasi skuadra e Martinit ia doli të realizoi dy herë të thera, fillimisht me Plakun në minutën e 34-t dhe Koubemba në minutën e 45-të.
Edhe në pjesën e dytë, spektakli nuk mungoi, por gola nuk kishte. Feijao gjeti golin e barazimit në minutën e 55-të, por ishte VAR që e anuloi për pozicion jashtë loje. Nuk mungoi as tensioni, teksa në fund të takimit, Asion Daja dhe Gjelbrim Taipi u ndëshkuan me kartonë të kuq, pas një përplasje mes tyre.
Kështu Kukësi pëson humbjen e parë dhe tashmë zbret në vendin e tretë me 7 pikë, ndërsa Teuta i bashkëngjitet Tiranës në krye të renditjes me 8 pikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
