Sulmuesi Zlatan Ibrahimovic është duke i rezistuar me shumë sukses konkurrencës së madhe që ekziston në ditët e sotme dhe ka marrë vendimin për të qenë i bashkuar me Milanin deri në 2023-shin . 40 vjeçari mendon se ka ende shumë për të dhënë në fushën e lojës dhe vetbësimi nuk e ka lënë të dorëzohet duke vijuar me kontributin tek kuqezinjtë , ekip që po përjeton momente të mrekullueshme në Scudetto me Stefano Piolin në stol .
Sipas ‘ Calciomercatos ‘ drejtuesit e ‘’ Djallit ‘ e konsiderojnë nordikun një pjesë kyçe të rikthimit në elitën jo vetëm të Italisë por edhe të Europës sepse statistikat e arritura nga gjigandi nga Malmo krijojnë përshtypjen se ofensiva e Milanit do ta shtojë produktivitetin në ndeshjet vijuese .
Që nga rikthimi në mitikun ‘’ San Siro ‘’ , ishi i Los Angeles Galaxy s’njeh asnjë limit dhe është shëndërruar në një bomber të vërtetë me 31 gola dhe 10 asiste në 55 ndeshje dhe duke iu referuar deklaratave të dhëna në të kaluarën arrihet në konkluzionin se ‘’ mplakja ‘’ nuk ekziston në fjalorin e tij .
Këto statistika konsiderohen impresionuese për një lojtar të cilit e vetmja gjë që i ka munguar gjatë karrierës është fitimi i ‘’ Topit të Artë ‘’. Arsyeja e vijimësisë me një kockë të fortë dhe njëkohësisht një ndër skuadrat më të famshme në planet është fitimi i trofeve për ta çuar objektivin deri në fund dhe ta mbyllë këtë kapitull në formën më perfekte të mundshme .
Milani sigurisht që ndihet tepër i privilegjuar për faktin e pasjes së një sulmuesi unik si Ibrahimovic i cili tashmë konsiderohet idhull sidomos në Itali, aty ku ka njohur suksese të njëpasnjëshme në të kaluarën dhe natyrisht duke njohur mentalitetin e tij s’do të ndalet kurrsesi me kaq .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
