Suksesi i arritur me fitimin e Serisë A kërkon të ruhet me çdo kusht nga drejtuesit e Interit . Antonio Conte e ka treguar shumë mirë se çfarë është i aftë të bëjë sepse pas 9 sezonesh e ka mposhtur Juventusin duke e ulur nga froni . Italiani është treguar shume inteligjent dhe këmbngulës në çdo javë dhe i ka shtrydhur lojtarët në funksion të dhënies së maksimumit në fushë . S’kishte si të ndodhte ndryshe . Duke patur një trainer si Antonio Conte në stol gjërat bëhen edhe më të lehta por njëkohësisht intensiteti i kërkesave shtohet .
Sipas Calciomercatos drejtori sportiv Beppe Marota dhe traineri i zikaltërve do të ulen për të diskutuar me krerët e klubit ku objektivi kryesor pa dyshim është vazhdimi i kësaj rruge për të mos i rënë me shkelm sakrificave të bëra . Objektivi kryesor është përforcimi i pozicioneve që do të konsiderojë të nevojshëm Antonio Conte sepse puna për 51 vjeçarin do të jetë më e vështirë sidomos me rikthimin e Interit në Champions League .
Tashmë në ‘’ Giusseppe Meazza ‘’ mendohet se një investim i fuqishëm në merkato do t’ia krijonte terrenin e përshtatshëm Interit për të përballuar luftën në tre fronte siç janë kampionati , kupa dhe turneu më i famshëm europian . Eksperienca e mëparshme e Interit dhe Antonio Contes në këtë eveniment e lehtëson disi ngarkesën për italianët por duhet të tregohen shumë pragmatikë dhe bindës për të justifikuar siç duhet suksesin e arritur në këtë sezon .
Siç kuptohet çdo projekt ambicioz nuk mund të finalizohet në mënyrën e pretenduar pa një investim të fuqishëm në merkato .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
