Mesfushori Dean Liço dhe mbrojtësi i majtë, Klevis Shaqe, ishin dy nga lojtarët më të spikatur në fitoren e Skënderbeut ndaj Dinamos.
Për MCN TV, Liço deklaroi se të gjithë në skuadër kishin besim dhe kanë dhënë maksimumin për arritjen e dy rezultateve pozitive në start.
Kemi dy muaj që po përgatitemi shumë mirë, kemi mbështetjen e presidentit. Kemi një grup me lojtarë shumë të mirë. Puna e të gjithëve ka sjellë edhe rezultatet.
Është ende herët për të folur për renditjen. Ne do i marrim ndeshjet një nga një dhe kur të vijë koha, të shikojmë ku do jemi.
Ka etje në skuadër, sepse shumica e lojtarëve janë të rinj. Secili jep maksimumin, për të treguar veten dhe për skuadrën.
Besimin e kemi pasur të gjithë, si nga trajneri ashtu edhe lojtarët. Kemi menduar pozitivisht dhe të japim maksimumin.
Sakaq, Shaqe tha se ndihet mirë në çdo pozicion ku e vendos trajneri, ndërsa tha se dueli me Markun në të majtë, ishte interesant dhe i fortë.
Unë e kam njësoj, ndihem mirë në fushë dhe bëj çfarë më kërkon trajneri. Ishte një duel i fortë dhe interesant me Albion Markun në krahun e djathtë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
