Mesfushori Nicolo Zaniolo është një ndër protagonistët e momentit në kontinentin e vjetër dhe prej kohësh Juventusi mendon se mund ta largojë nga ‘’ Olimpico ‘’.
22 vjeçari e përfundon kontratën me Romën në 2024-tën por ‘’ Zonja e Vjetër ‘’ nuk ka ndërmend të dorëzohet dhe njëkohësisht pretendon të dëmtojë një rival direkt në Serinë A .
Duke patur parasysh se çështja e rinovimit me ‘’ Verdhekuqtë ‘’ nuk ka bërë përpara , torinezët duan të përfitojnë nga ky fakt dhe ta veshin me ngjyrat bardh e zi për të vijuar rrugën e nisur .
Llogaritë janë bërë nga Massimiliano Allegri i cili shpreson që ta afrojë në ‘’ Allianz Stadium ‘’ por sipas ‘ Calciomercatos ‘ , juventinët i pret një sfidë me shumë ulje-ngritje sepse Nicolo Zaniolo konsiderohet një idhull tek kryeqytetasit të cilët sigurisht duan të evitojnë përforcimin e një kundërshtari direkt për kampionatin .
Megjithatë kur bëhet fjalë për Juventusin , çdo lojtar me emër e mendon dy herë sepse kjo skuadër ofron shumë për të ardhmen dhe favorizohet shumë nga e kaluara që e konsideroi rekordmene të Scudettos me 9 kampionate rradhazi , statistikë e vështirë për tu arrirë sidomos në kohët e sotme.
Momentalisht Roma nuk po kalon një moment pozitiv për sa i përket të ardhmes së ishi-t të Interit sepse vijon ti shpëtojë objektivi i rinovimit të kontratës dhe Juventusi nuk mendon të humbasë kohë por ta shëndërrojë në një tjetër goditje cilësore .
Përfaqësimi i ngjyrave verdhë e kuq vijon një rrugëtim entuziazmues , me 4 gola në 26 ndeshje por Juventusi mund ti krijojë një ambjent më avantazhues drejt të ardhmes , fakt që e ka provuar me sukseset e viteve të fundit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
