Tek Atletico Madridi pritet një revolucion shumë i madh në merkato sidomos në mesfushë . Diego Simeone është i ndërgjegjshëm se disa lojtarë mund ti japin lamtumirën ‘’ Wanda Metropolitanos ‘’ gjatë merkatos . Argjentinasi nuk kërkon të humbasë shumë terren dhe ka filluar me përgatitjen e goditjeve të verës . Me Lemar , Vitolo dhe Saul drejt largimit , 51 vjecari e ka bërë hapin e parë dhe ka spikatur mesfushorin Jonas Hofmann që aktivizohet në rradhët e Borussia Monchengladbah. Sipas Calciomercato sezoni i zhvilluar nga gjermani e ka bindur plotësisht ‘’ El Cholon ‘’ që e ka përfshirë në listën e transferimeve të verës . Me një sezon të shkëlqyer të lënë pas mesfushori nga Heidelberg tashmë është bërë pjesë e pandashme e ‘’ Los Colchoneros ‘’ të cilët janë në hapat e duhur për sa i përket të ardhmes dhe do të kërkojnë ta përforcojnë perspektivën me prurjet cilësore në kryeqytetin spanjoll .
Largimi i trainerit Marco Rose tek Borussia Dortmundi ka shënuar nisjen e një epoke të re për Borussia Monchengladbah drejtuesit e të cilës duhet të vendosin në lidhje me Jonas Hofmann që është një ndër lojtarët më bindës të momentit tek gjermanët . Ofensiva e Atletico Madridit për të plotësuar copëzat që mungojnë në funksion të një organike më tepër kompetitive sapo ka filluar dhe përgjegjësia natyrisht bëhet edhe më e madhe sepse kanë mbi supe peshën e fitimit të kampionatit që duhet ta ruajnë me çdo kusht në sezonin vijues.
Siç dihet dy nga kërcënimet më serioze të Diego Simeones në Primera Division mbeten Barcelona dhe Real Madridi , skuadra që e kanë shtuar ndjeshëm intensitetin në merkato dhe parashikohet që rivali direkt i tyre të vazhdojë në të njëjtën rrugë për faktin se ka luftuar për 6 sezone me rradhë për ti mposhtur në kampionat .
Edhe kompeticioni i Champions Leagues mbetet në fokusin kryesor të Atleticos që është koshient se çdo të thotë arritja në finalen e madhe të cilës akoma nuk ia ka shijuar ndjesinë e të qënit kampion , por nuk i humb shpresat se një ditë gjërat do të anojnë në favor të tyre. Jonas Hofmann ka zhvilluar një sezon për tu patur zili dhe 33 ndeshjet në të cilat është aktivizuar i ka justifikuar me 8 gola dhe gjithashtu me një kontribut të madh në repartin e mesfushës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
