Rikthimi i Joan Laportas në krye të presidencës vazhdon të jetë një ogur i mirë për Barcelonën . Katalanasit kanë arritur shitjen e mbrojtësit Junior Firpo tek Leeds United . 24 vjeçari prej kohësh nuk përfshihej në planet e Ronald Koeman dhe tashmë do ti nënshtrohet urdhërave të një traineri me një karakter shumë të veçantë si Marcelo Bielsa . Akordi është mbyllur për 15 milionë euro por një ndër pikat e tij është se nëse në të ardhmen anglezët do të vendosin ta largojnë nga ‘’ Elland Road ‘’ 20 % i këtij operacioni do të kalojë në xhepat e ‘’ Los Cules ‘’ .
Mbrojtësi nga Santo Domingo do të jetë pjesë e ‘’ The Peacocks “ deri në 30 qershorin e 2025- sës me të cilët do të harrojë historinë e dështuar me spanjollët .
Kjo lëvizje ishte mëse e parashikuar sepse ishi i Real Betis Balompie nuk mundi të gjejë hapësirat e nevojshme për shpalosjen e vlerave me një skuadër që tashmë ka rikuperuar buzëqeshjen dhe për më tepër beson fuqimisht se sezoni vijues do të jetë piknisja e ndryshimit të shumëpritur në Katalunjë .
18 ndeshje dhe 1 gol kanë rezultuar statistika të pamjaftueshme të cilat janë shoqëruar me prezenca që kanë lënë për të dëshiruar dhe kalimi tek Leeds United është konceptuar si një shans i artë për realizimin e objektivave .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
