Atletico Madridi duket se nuk do të sprapset për sulmuesin e Huescas Rafa Mir . Diego Simeone e ka afirmuar interesin për spanjollin i cili gjithmonë është preferuar edhe nga drejtori sportiv Andrea Berta . Profili i 24 vjeçarit është analizuar me përpikmëri nga ‘’ Los Colchoneros ‘’ të cilët kanë mbërritur në konkluzionin se mund të jetë një përforcim shumë cilësor për ofensivën .
Me një gjatësi 1.90 sulmuesi do të ishte një garanci jo vetëm në zonën e rreptësisë por edhe nga krahët sepse di ta bëjë shumë mirë këtë rol pavarësisht se ka mbrojtur ngjyrat e një skuadre modeste si Huesca .
Sipas Marcas kryeqytetasit janë të bindur për ta transferuar në ‘’ Wanda Metropolitano ‘’ dhe në ditët vijuese pritet një ofertë në drejtim të Huescas për golshënuesin. ‘’ Cholo ‘’ Simeone e njeh me detaje kontributin e tij dhe është i ndërgjegjshëm se përshtatja në një ambjent shumë kompetitiv siç është ai i ‘’ Los Rojiblancos ‘’ nuk do të përbënte problem për Rafa Mir . Një plus për Atletico Madridin në merkato gjithmonë do të jetë fakti se drejtohet nga një ndër më të suksesshmit në training , fakt që e provoi me fitimin e La Ligas .
Të drejtat e kartonit të Rafa Mir i zotërojnë anglezët e Wolves por interesi i Atletico-s mbetet tundues , pistë të cilës me siguri ky lojtar do ti japë rëndësinë e merituar .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
