Kastriot Dermaku edhe zyrtarisht është lojtari më i ri i Lecce në Serie B. Mbrojtësi i Kombëtares, ka vendosur të largohet nga Parma, ku hapësirat për të ishin të pata dhe tashmë do të vazhdojë karrierën te skuadra tjetër italiane.
Ditën e sotme Dermaku ka bërë edhe prezantimin e tij te skuadra e re, ku tha se mezi pret të nisë këtë aventurë të re.
“Rikthimi këtu ishte diçka që e donim të gjithë, sepse këtu u ndjeva shumë mirë që në fillim. Më vjen keq për mënyrën se si shkoi vitin e kaluar dhe vendosa të rikthehem, për të treguar potencialin tim.
Te Cosenza unë nuk lashë asnjë stërvitje, madje as me ekipin kombëtar. Sidoqoftë dëmtimet janë pjesë e karrierës. Kampionati ka qenë gjithmonë i vështirë dhe këtë vit do të jetë akoma më i vështirë se vitin e kaluar. Ne gjithmonë do të japim më të mirën dhe në fund të sezonit do të bëjmë bilancet.
Janë mundësitë për një kampionat të madh. I kemi mundësitë për të bërë mirë. Mezi po pres të punoj me shokët e skuadrës.”, u shpreh Dermaku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
