Prishja e kontratës me Gremion e Porto Alegres e ka rikthyer vëmëndjen e drejtuesve të Inter Miamit tek Luis Suarez. Në Major League Soccer, pikërisht tek skuadra e ‘’ Tata ‘’ Martinos janë transferuar së fundmi Lionel Messi , Sergio Busquets dhe Jordi Alba, ish shokët e ‘’ El Pistoleros ‘’ tek Barcelona, me të cilët fitoi shumë tituj të rëndësishëm në të kaluarën , në Spanjë dhe më gjerë. Sipas informacioneve të fundit, në të kaluarën disa ekipe i ofruan ishi-t të Ajaxit një kontratë për dy vite, e refuzuar nga golashënuesi i lindur në Salto. Megjithatë , risia në këtë histori është se traineri argjentinas i ka dhënë dritën jeshile transferimit të Luis Suarezit tek Inter Miami, i cili ka hasur disa vështirësi në sezonin aktual dhe ndoshta fillimi i një eksperience të re mund të rezultojë një goditje e qëlluar në shenjë. Duhet kujtuar se para disa vitesh 36 vjeçari u konsiderua një ndër sulmuesit më të mirë në botë dhe kalimi i mundshëm tek Inter Miami do ti jepte mundësinë e pjesëmarrjes edhe në Kupën Libertadores pas lejes së dhënë nga Federata e Conembol duke filluar nga sezoni vijues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
