Barleti Volley është finalistja e dytë e Kupës së Shqipërisë. Pas Tiranës, e cila u kualifikua 2 ditë më parë, vajzat e Barletit mposhtën 3-2 Partizanin në sallën “Feti Borova”.
Gjysmëfinalja e parë kishte përfunduar sërish me po të njëjtin rezultat dhe në këtë mënyrë vajzat e trajnerit Artan Pogoni kalojnë në finale.
Në një ndeshje të fortë dhe me emocione, diferencën e bëri Amarilda Prenga, lojtarja që pavarësisht moshës rezultoi vendimtare për Barletin.
Ndërkohë që pas ndeshjes, trajneri i Barletit u shpreh për TV T se ndihet krenar pasi mundi skuadrën kampione.
Ndërsa Amarilda Prenga ia dedikon këtë fitore dëshirës dhe vullnetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
