Bayern Munich, thuhet se ka rënë dakord, për të larguar sulmuesin Sadio Mane në verë. Sipas asaj që raportojnë në Gjermani, drejtuesit e klubit bavarez, kanë vendosur të mbyllin bashkëpunimin me senegalezin në verë.
Mane u bashkua me gjermanët në verën e vitit 2022, ku nënshkroi kontratë 3-vjeçare, por aventura në “Allianz Arena” duket se do të zgjasë vetëm një sezon.
Palët kanë pasur diskutime mes tyre dhe është vendosur që pas përfundimit të sezonit aktual, të ndërpresin kontratën.
Këtë e ka bërë të ditur gazetari gjerman, Christian Falk, i cili u shpreh: “Bayern Munich do të bëjë gjithçka për të larguar Mane në verë. Nga ana sportive, Thomas Tuchel nuk e ka në planet e tij sulmuesin, pasi nuk i përshtatet sistemit të tij.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
