Me kalimin e kohës emri i Andre Silvas ka marrë një interes të veçantë . Portugezi është vënë në radarët e Real Madridit dhe Atleticos por ngjarjet e fundit theksojnë një avantazh të lehtë të ‘’ Los Rojiblancos ‘’. Sipas gazetarit Marc Behrenbeck kryeqytetasit kanë iniciuar kontaktet me Eintracht Frankfurt për të patur informacione më konkrete për golashënuesin e Bundesligës . Analizat e pandalura të Diego Simeones i cili karakterizohet për një uri të pakufijshme drejt suksesit ia kanë mbushur mendjen për 25 vjeçarin , kartoni i të cilit arrin 30 milionë eurot , shifër aspak problematike për Atletico Madridin .
Traineri argjentinas kërkon një lojtar që mund ti ofrojë garanci sulmit . Në të kaluarën u mendua për një shkëmbim ndërmjet Luka Jovic dhe Andre Silvas por llogaritë nuk përputhen për arsye të përfitimit të lojtarëve në fjalë dhe mbi këtë çështje Marc Behrenbeck ka theksuar :
“ Diferenca në lidhje me rrogën është shumë e lartë dhe nuk mund të krahasohet me atë të Andre Silva ‘’ , ishin këto fjalët e tij .
Ky objektiv i ka krijuar shumë entuziazëm të ashtuquajturve ‘’ Los Colchoneros ‘’ të cilët do të kërkojnë me çdo kusht përsëritjen e sezonit në të cilin janë shumë afër fitimit të titullit të 11-të në historinë e tyre i cili në rast konkretizimi do të shënonte fundin një etape të dominimit total të Barcelonës dhe Real Madridit në La Liga . Aktuali për yllin portugez ka rezultuar ndër më të suksesshmit e karrierës sepse deri më tani ka shënuar 26 gola dhe 6 asiste në 31 ndeshje me një skuadër të dorës së dytë në Bundesligë .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
