Prej disa javësh tashmë emri i Paul Pogba ka nisur të qarkullojë tek Paris St Germain . Mungesa e akordit për rinovimin e kontratës ndërmjet francezit dhe Manchester United i jep të drejtë ‘’ Les Pariziens ‘’ për të nisur tratativat për transferimin e 28 vjeçarit në ‘’ Parque De Prince ‘’ .
Megjithatë ‘’ The Red Devilsat ‘’ përpara kësaj situate besojnë se do ta gjejnë zgjidhjen në ditët vijuese sepse Paul Pogba është një lojtar kyç në mesfushën e drejtuar nga Ole Gunnar Solskjaer .
Kontrata e ishi-t të Juventusit në ‘’ Old Trafford ‘’ mbetet në fuqi deri në 30 qershorin e 2022- shit , fakt që i ka krijuar pakënaqësi ish kampionëve të Ligue 1 të cilët e kanë asin nën mëngë. Flitet për Corentin Tolisso i cili vjen pas një eksperience të shkëlqyer tek Bayern Munchen dhe Mauricio Pochettino e shikon si përforcimin ideal nëse kuq e blutë nuk do të kenë fatin për të firmosur me Paul Pogba .
Transferimi tek bavarezët në verën e 2017-tës u konsiderua ndër më të bujshmit por dëmtimet e njëpasnjëshme e kanë penalizuar ndjeshëm progresin e 27 vjeçarit , fakt që ka provokuar vënien e tij në merkato .
Akoma nuk është e qartë se çfarë rruge mund të ndjekë nxënësi i Julian Nagelsmann por interesi i Paris St Germain është një indikator se e ardhmja mund të jetë në kryeqytetin francez .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
