Dëmtimi i Ter Stegenit , i cili parashikohet se do ta lërë gjermanin jashtë fushave për tre muaj, menjëherë ka vënë në lëvizje drejtuesit e Barcelonës për ti gjetur një zëvëndësues ideal gjatë merkatos së janarit.
Edhe pse Inaki Pena është një alternativë, gjithsesi pretendohet afrimi i një portieri me eksperiencë për tre shtyllat.
David De Gea është një opsion për ‘’ Blaugranët ‘’, i cili momentalisht është pa ekip dhe kjo periudhë konsiderohet shumë e rëndësishme për vijimësinë.
Spanjolli edhe pse nuk ka patur ecurinë e pritur tek Manchester United , mban një eksperiencë të gjatë mbi supe dhe interesi i Barcelonës ndoshta do të jetë starti i një tjetër kapitulli në karrierë, në kampionatin ku filloi të bëhej i famshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
