Së fundmi është përfolur shumë në lidhje me të ardhmen e Romelu Lukakut. Belgu, kartoni i të cilit është në pronësi të Chelseat, aktualisht i huazuar tek Roma, sipas zërave e ka pranuar një ofertë nga Arabia Saudite, lajm i bërë me dije nga gazetari italian Fabio Santini gjatë një interviste për ‘ Tv Play ‘ :
‘’ Ai tashmë ka pranuar një ofertë nga një ekip në Arabinë Saudite . I them tifozëve të Romës që në përfundimin e sezonit Romelu do të largohet ‘’, ishin këto fjalët e gazetarit italian.
Megjithatë ky lajm ende nuk është konfirmuar as nga drejtuesit e ‘’ Verdhekuqve ‘’ dhe as nga golashënuesi i mirënjohur.
30 vjeçari në sezonin aktual ka kontribuar me 11 gola dhe 1 asist në 18 sfidat me kryeqytetasit, duke dhënë për të kuptuar se mbetet një element shumë cilësor në metrat e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
