Ditët e fundit të merkatos sigurisht po i përshpejtojnë aksionet e skuadrave me emër për arritjen e objektivave .
Pas dështimit për Dusan Vlahovic , Arsenali është hedhur në sulm për bashkombasin Luka Jovic i cili nuk po gjen shumë hapësira tek Real Madridi .
24 vjeçari preferohet shumë nga Mikel Arteta dhe sipas tabloidit ‘’ The Sun ‘’ , londinezët po mendojnë seriozisht transferimin e tij në ‘’ Emirates ‘’ , operacion ku do të dilnin të gjitha palët e fituara .
Tek ‘’ Galaktikët ‘’ Luka Jovic nuk mund ta pranojë më humbjen e kohës dhe parashikohet se tek Arsenali do të gjente një mbështetje ndryshe dhe njëkohësisht do të forconte një ndër pozicionet ku ‘’ The Gunners ‘’ kanë çaluar më së shumti .
Pas disa huazimeve tek Eintracht Frankfurti , rikthimi i Luka Jovic në ‘’ Santiago Bernabeu ‘’ ka në përmbajtje të njëjtën histori dhe ky fakt konsiderohet i patolerueshëm nga Carlo Ancelotti i cili shquhet për kokëfortësinë e tij .
Kalimi në Madrid rezultoi katastrofik për arkat e spanjollëve të cilët investuan 60 milionë euro në verën e 2019-tës por mundi i ka shkuar dëm Florentino Perezit i cili e ka treguar gjithmonë se është i gatshëm të bëjë çdo çmenduri për skuadrën e zemrës .
Transferimi në Londër do të ishte një frymëmarrje për Arsenalin që pretendon rikthimin në Champions League por i mbetet për të treguar se e meriton përfshirjen në kompeticionin më prestigjoz në Europë.
Pavarësisht se nuk ka mundur të bëjë shumë , Luka Jovic ka patur shumë mundësi tek ‘’ Los Merengues ‘’ por fatkeqësisht 14 ndeshjet e këtij sezoni kanë lënë për të dëshiruar dhe me shumë gjasa anglezët mund të shëndërrohen në strehën e re të golashënuesit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
