Arsenali ka bërë një tjetër hap “fals” në garën për titullin kampion. “Topçinjtë” barazuan 2-2 ndaj West Ham, në ndeshjen e vlefshme për javën e 31 në Premier League.
Skuadra e Artetës e nisi shumë mirë ndeshjen, duke shënuar dy herë me Gabriel Jesus në minutën e 7-të dhe Odegaard në minutën e 10-të.
West Ham nuk u dorëzua, ndërsa ngushtoi shifrat në minutën e 33-të me Benrahma. Saka kishte mundësinë të shënonte të tretin për Arsenalin, por gaboi nga pika e bardhë e penalltisë në minutën e 52-të.
Kjo i motivoi kundërshtarët, që vetëm 3 minuta më vonë barazuan shifrat me Bowen dhe rezultati nuk ndryshoi deri në fund.
Arsenali mban vendin e parë me 74 pikë, 4 më shumë se Manchester City, që ka një ndeshje më shumë për të luajtur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
