Është ndarë nga jeta në moshën 78-vjeçare, ish-boksieri Earnie Shavers. Ky i fundit është konsideruar si një nga boksierët më të fortë në historinë e këtij sporti.
Gjatë karrierës së tij, Shavers vendosi një rekord fitoresh, plot 74, ku 68 prej tyre ishin me nokaut. Gjithashtu ai regjistroi 14 humbje dhe një barazim në karrierën e tij të gjatë.
Në vitin 1977 Earnie Shavers humbi përballë Muhammad Aliut në “Madison Square Garden” në një ndeshje që do të hynte në historinë e boksit.
“Earnie më goditi aq fort sa që tronditi të afërmit e mi në Afrikë”, rrëfeu Muhammad Ali, i cili triumfoi pas 15 raundesh me vendim unanim të gjyqtarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
