Trajneri i Egnatias, Edlir Tetova, në emisionin “Sport Zone” në MCN TV, foli për ecurinë e rrogozhinasve.
Tetova deklaroi se ndryshimet në janar, bënë që skuadra të ketë luhatje dhe mungesa e rezultateve solli shqetësim në skuadër.
Vitin e kaluar u morëm me ndërtimin e skuadrës dhe fitimin e Kupës. Vjet objektivi ishte Europa. Këtë sezon, u munduam të ruajmë boshtin e ekipit. E bëmë mësë miri, duke bërë lëvizje të vogla në verë. Ecuria ka qenë shumë e mirë në dy fazat e para. Me ikjen e tre lojtarëve në sulm, ka luhatjet e veta, sepse ka të bëjë me përshtatjen e lojtarëve. Mendoj se afrimet e bëra në janar, janë goditje të mira.
Pjesa tjetër e skuadrës, i dha ngrohtësi lojtarëve të afruar në janar. Kemi bërë lëvizje gjatë kësaj kohe, me lojtarët. Përderisa janë pjesë e skuadrës, duhen futur në lojë. Duan të kenë minutazh. Sa i përket formacionit, asgjë nuk është e sigurt.
Oshilacionet në kampionat? Ishin shumë ndeshje pa fitore, por ishin pak humbje. Nuk ishte alarm, por ishte shqetësim, u ndje edhe të skuadra. Kur merr një iniciativë për të bërë ndryshime, risku është.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
