Esin Hakaj është zyrtarisht lojtari më i ri i Samsunsporit. Ka qenë vetë klubi turk që nëpërmjet faqes zyrtare, ka bërë të ditur firmën me mbrojtësin 24-vjeçar.
Pas një sezoni shumë të mirë me Partizanin, Hakaj tashmë do të vazhdojë karrierën e tij në ligën e parë turke, aty ku do të jetë shok skuadre me Erald Çinarin, i cili u zyrtarizua te e njëjta skuadër vetëm pak ditë më parë.
Samsunspori ka zyrtarizuar ditën e sotme marrëveshjen me mbrojtësin shkodran, i cili ka firmosur kontratë 3-vjeçare me mundësi rinovimi edhe për një tjetër sezon. Hakaj nis kështu aventurën e parë jashtë Shqipërisë, pasi në të kaluarën, përveç Partizanit është aktivizuar edhe me Teutën e Vllazninë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
