Federico Chiesa vendos për Liverpoolin 

<p>Më në fund Federico Chiesa e ka vendosur të ardhmen. Pas shumë tratativave nga disa klube me emër në kontinentin e vjetër, sulmuesi do të jetë pjesë e Liverpoolit.</p> <p>Anglezët janë në fazë rindërtimi, me Arne Slot si trainer, drejtuesit e të cilëve kanë dhënë maksimumin për t’ia plotësuar dëshirat gjatë merkatos verore.</p> <p>26 vjeçari ka firmosur një kontratë për katër vite me "The Redsat", pra deri në 2028-tën dhe blerja e tij i kushtoi presidencës rreth 12 milionë euro plus tre të tjera bonuse.</p> <p>Liverpool e fitoi garën me Barcelonën për ishi-n e Fiorentinës, një lojtar shumë i shpejtë, tipik për futbollin anglez.</p> <p>Eksperiencën me Juventusin Federico Chiesa e finalizoi me 131 sfida, 32 gola dhe 20 asiste, të përmbledhura në tre sezone e gjysëm dhe nëse i referohemi titujve duhet theksuar se fitoi një Superkupë dhe dy Kupa Italie me të ashtuquajturën "Zonjën e Vjetër".</p> <p>Siç dihet, Premier League është një ndër kampionatet më kompetitivë të Europës dhe për ish-fituesin e Europianit me kombëtaren "Trikolor"&nbsp;do të jetë një sfidë shumë e rëndësishme.</p> <p>Objektivi i Liverpoolit është rikuperimi i terrenit të humbur, në Angli dhe Europë, një ekip që vuri diktatin në të kaluarën por në vitet e fundit ka hasur vështirësi për arsye të rivalitetit të ashpër.</p>