Kupa e Shqipërisë për U-17 dhe U-19, përcaktohen çiftet çerekfinaliste

Pas ndeshjeve që u luajtën ditën e sotme, janë përcaktuar edhe 16 skuadrat çerekfinaliste në Kupën e Shqipërisë, për moshat U-17 dhe U-19.

Tek U-17,  Durrësi 04 siguroi kalimin për më tej, pasi mundi me rezultatin 3-0 Shkëndijën e Tiranës, ndërsa sfida tjetër Akademia e Futbollit – Teuta u mbyll në barazim 1-1. Pas gjuajtjeve të penalltive, ishte ekipi durrsak që triumfoi 5-3, për të siguruar biletën për në turin tjetër.

Tek U-19, Shkëndija e Tiranës u kualifikua pasi mundi me rezultatin 4-0 Apoloninë e Fierit, kurse sfida tjetër Akademia e Futbollit-Butrinti nuk u zhvillua, pasi ekipi i Butrinti nuk u paraqit. Kësisoj, ndeshja u fitua në tavolinë nga Akademia e Futbollit që kalon në turin tjetër.

ÇEREKFINALET / KUPA E SHQIPËRISË U-17

Durrësi 04 – Tirana

Internacional- Vllaznia

Apolonia- Brians

Football Republic -Teuta

ÇEREKFINALET / KUPA E SHQIPËRISË U-19

Partizani- Akademia e Futbollit

Bylis – Internacional

Tirana – Shkëndija Tiranë

Football Republic – Besa