Jose Mourinho vijon të spikasë lojtarë interesantë për merkaton . Portugezi ka deklaruar se preferon sulmuesin e Real Sociedadit Alexander Isak i cili vitet e fundit ka bërë një evolucion të dukshëm tek spanjollët . 21 vjeçari ka tërhequr vëmëndjen e disa klubeve por tashmë Roma ka shpallur kandidaturën për suedezin . Kapaciteti për shënimin e golave vlerësohet shumë nga 58 vjeçari që nuk do të dorëhiqet deri sa ti rikthejë ‘’ Verdhekuqtë ‘’ aty ku e meritojnë . Futja e italianëve në luftë i krijon një shans që s’duhet humbur në merkaton e verës sepse parashikohet se e ardhmja e Romës do të ketë një tjetër fytyrë me Jose Mourinhon në stol .
Progresi i Alexander Isak nuk mund të anashkalohej nga sytë e mprehtë të një prej më të mirëve në training për arsye se uria për sukses e tij nuk ka nevojë për koment . Pas largimit të Willian Jose për tek Wolves suedezi ka fituar një pikë në skemat e Imanol Alguacil dhe me kalimin e kohës e ka treguar se është një kockë e fortë në sulm . Transferimi i Alexander Isak nga modestët e Willem II i kushtoi 6 milionë euro spanjollëve , kontrata e të cilit mbetet e vlefshme deri në 2024-tën .
Hyrja në luftë e Romës e rrezikon paksa qëndrimin tek Real Sociedadi sepse figura e ‘’ The Special One ‘’ mund të rezultojë bindëse për ta transferuar në ‘’ Olimpico ‘’ . Me 14 gola në 41 ndeshje Alexander Isak ka fituar shumë terren dhe ky interes i ndez shpresën për të qenë pjesë e Serisë A dhe projektit të Jose Mourinhos .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
