Tre raste të reja me COVID janë shënuar ditën e sotme në përfaqësuesen e Polonisë, që të mërkurën do të përballet me Anglinë, për grupin kualifikues ku bën pjesë edhe Shqipëria.
Të infektuarit e fundit janë futbollistët Grzegorz Krychowiak, Kamil Piatkowski si dhe një zyrtar i klubit. Më herët kanë humbur ndeshjet kundër Hungarisë dhe Andorës futbollistët Mateusz Klich dhe portieri Lukasz Skorupski. Si talenti i Leeds ashtu edhe portieri janë infektuar që prej të enjtes, ndërsa ende rezultojnë pozitiv.
Ndërkohë përveç pandemisë Polonia do të duhet të vuajë edhe mungesën e yllit Robert Lewandowski, i cili është dëmtuar kundër Andorës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
