Ndalja në finalen e Europa Leagues nga Villareali ka hedhur hijet e para të dyshimit për të ardhmen e disa lojtarëve tek Manchester United . Humbja kundër spanjollëve ia qartësoi idetë trainerit Ole Gunnar Solskjaer për të filluar me spastrimet dhe një ndër to është Victor Lindelof. Suedezi nuk është koordinuar ashtu siç duhet me Harry Maguire dhe numri një i pankinës nuk e ka në planet e tij për sezonin vijues. Emrat që po analizohen nga drejtuesit e anglezëve momentalisht janë Jerome Boateng dhe Pau Torres i cili shfaqi një rendiment të shkëlqyer kundër ‘’ Djajëve të Kuq ‘’. Pavarësisht disa ofertave
26 vjeçari ka shprehur se nuk dëshiron firmosjen me një ekip të Premier Leagues për të mos u larguar si tradhëtar nga ‘’ Pallati i Endërrave ‘’ por mbi tavolinë ka një ofertë interesante . Roma e Jose Mourinhos është e gatshme ta afrojë me ‘’ Olimpicon ‘’ sepse e konsideron një lojtar që mund të kontribojë në shëndërrimin e repartit defensiv në një mur të pakalueshëm . Por gjërat nuk përfundojnë me kaq sepse do të gjente një mbështetje të madhe siç është ajo e ish shokut tek 20 herë kampionët e Premier Leagues Chris Smalling i cili prej dy sezonesh aktivizohet në rradhët e kryeqytetasve .
Me mbërritjen e ‘’ The Special One ‘’ në stol gjërat nuk mund të kishin tjetër rrjedhë sepse në çdo skuadër ku portugezi drejtuar ka gjeneruar një entuziazëm shumë të madh pa konsideruar etapën tek Tottenham Hotspuri ku u detyrua të largohej nga ‘’ White Hart Lane ‘’ me kokën ulur . Ky operacion nuk është shumë i kushtueshëm për ‘’ Verdhekuqtë ‘’ sepse vlerësohet vetëm me 25 milionë euro dhe 58 vjeçari nuk mendon të dorëzohet deri sa të dalë i fituar për këtë objektiv.
Pavarësisht se është me një këmbë larg Manchester United gjatë këtij sezoni numëron 45 ndeshje dhe një gol dhe tani i mbetet në dorë zgjedhja më e mirë për të ardhmen sepse pas dere është një skuadër me një histori të rëndësishme nga mbrapa të cilën kërkon ta pasurojë me arritjen e suksesit në sezonet pasardhëse .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
