Infantino i dërgon letër Dukës: I tronditur, keni mbështetjen e futbollit ndërkombëtar

Presidenti i FIFA-s, Gianni Infantino, i ka dërguar një letër presidentit të FSHF, Armand Duka, pas shpërthimit të një sasie tritoli në shtëpinë e këtij të fundit.

Infantino i ka shprehur mbështetjen dhe solidarizimin e tij, Dukës, ndërsa në letër thotë se ka mbështetjen e futbollit ndërkombëtar.  

LETRA E INFANTINO:

I dashur President

Mësova me tronditje të madhe dhe trishtim të thellë për sulmin e tmerrshëm në shtëpinë tuaj të hënën në mbrëmje.

Në emër të komunitetit ndërkombëtar të futbollit, dëshiroj të shpreh mbështetjen tonë më të sinqertë për ju dhe familjen tuaj. Mendimet tona janë me ju të gjithë në këtë moment të vështirë.

Shpresojmë që ky mesazh solidariteti dhe mbështetjeje të mund t’ju ndihmojë në këtë moment të vështirë.

I juaj sinqerisht,

Gianni Infantino