Rëndësia e fituar tek Ajax Amsterdami është përkthyer në një interes masiv për sulmuesin Antony. 21 vjeçari vijon të konsiderohet një emblemë tek hollandezët por si shumë të tjerë , gjërat kanë ndryshuar sepse të mëdhatë nuk kanë harruar ti trokasin në derë .
Me të mbërritur nga Sao Paolo në verën e 2020-tës kundrejt 15 milionë eurove Antony fitoi shumë shpejt eksperiencë në kontinentin e vjetër duke përfaqësuar një ndër skuadrat me më shumë histori dhe rezultatet ishin të menjëhershme për brazilianin.
Real Madridi dhe Barcelona tentuan ta largonin nga ‘’ Johan Cruyff Arena ‘’ por me kalimin e kohës Chelsea dhe Manchester United nuk donin ta linin me kaq sepse Antony meriton vlerësimin maksimal dhe është në momentin ideal për të bërë hapin e ëndërruar.
Marrëdhëniet e hollandezëve sidomos me spanjollët janë të shkëlqyera por si gjithmonë problemi në këtë histori është kontrata që i përfundon në qershorin e 2025- sës dhe Ajaxi kërkon një shumë të majme për ta larguar.
Përpos talentit , 25 sfida , 11 gola dhe 8 asiste janë statistika që kanë shkaktuar një impakt të madh tek pretendentët dhe sigurisht në këtë kontekst Antony e ka justifikuar interesin e tyre duke i dhënë një tjetër përmbajtje të ardhmes .
Në njëfarë mënyre braziliani e ka të siguruar vijimësinë por mbetet për tu parë se si do të vijojnë negociatat për një sulmues që premton shumë i cili ka shanse reale për tu bërë protagonist gjatë merkatos së ardhshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
