Sherif Kallaku nuk do të jetë më te Teuta, për pjesën e mbetur të sezonit. Mesfushori i cili u rikthye te durrsakët në verë, tashmë do të rikthehet në Kroaci, te Lokomotiva e Zagrebit, klub që zotëron kartonin e tij.
Një largim me peshë ky te durrsakët, që tashmë duhet të ndërhyjnë në merkaton e janarit për të gjetur një zëvendësues.
“Në emër të Presidentit të KF Teuta, Z.Edmond Hasanbelli, falënderojmë futbollisti Sherif Kallaku, i cili nuk është më pjesë e skuadrës sonë! Mesfushori 24-vjeçar do të rikthehet në Kroaci te Lokomotiva e Zagrebi. Pas 6 muajsh me blutë, duke zhvilluar performanca pozitive. KF Teuta e falënderon Kallakun për kontributin e dhënë për fanellën e Teutës dhe i uron shumë suksese në karrierën e tij futbollistike.”, thuhet në njoftimin e Teutës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
