Derbi londinez për Miguel Gutierrez

 Reali gjithmonë është shquar si një ndër akademitë më të rëndësishme në futboll dhe ‘’ Galaktikët ‘’ vijojnë të shkëlqejnë në këtë aspekt .  

Mbrojtësi Miguel Gutierrez arriti të spikasë shumë shpejt duke ia mbushur mendjen Zinedine Zidanes  se duhet ti jepte një mundësi në ekipin e parë, të cilën nuk e ka shpërdoruar.  

Kohët kanë ndryshuar sepse rikthimi i  Carlo Ancelottit në ‘’ Santiago Bernabeu ‘’ i ka shkaktuar pakënaqësi 20 vjeçarit i cili mbetet larg paraqitjeve me të famshmin ‘’ Zizou ‘’  dhe shpreson të dalë shumë shpejt nga gropa ku ka rënë . 

Humbja e pikëve tek ‘’ Los Blancos ‘’ është rikompensuar me interesin e Chelseas , Tottenhamit dhe Arsenalit , ekipe që do të zhvillojnë një tjetër derbi londinez për  Miguel Gutierrez .

Klauzola e prishjes së kontratës me spanjollët arrin 40 milionë eurot , dhe Arsenali për pak sa nuk befasoi në  verën e kaluar por ende shpreson se shumë shpejt mund t’ia hapë dyert e ‘’ Emirates Stadium ‘’  .

Mungesa e aktivizimit po e dëmton  madrilenin për të cilin pritet një reagim inmediat nga drejtuesit e ‘’ Los Merengues ‘’ sepse është lënë në harresë nga ishi i Milanit dhe kjo situatë sigurisht s’mund të vijojë me këtë ritëm .

 Prentendentët janë një mundësi që  duhet të shfrytëzohet nga Real Madridi sepse mund të fuqizojnë arkat e më pas të vijohet lufta  për prurjen e elementëve të rinj për të vijuar më të sigurtë drejt rikthimit tek sukseset .