Prej disa javësh tashmë Manchester City është drejt fundit të një transferimi të ëndërruar i cili me siguri do të shkaktojë shumë risi tek anglezët . Flitet për Jack Grealish , një ndër lojtarët më të mirë të Premier Leagues që ka ditur të spikasë me një skuadër të dorës së dytë siç është Aston Villa . 25 vjeçari shikohet si një element shumë produktiv dhe Pep Guardiola ka vënë në dijeni drejtuesit për ta transferuar me çdo kusht në ‘’ Etihad Stadium ‘’ sepse do të ishte një plus drejt arritjes së objektivave.
Pa dyshim që kryeqytetasit kanë vënë një barrierë që ndoshta City do ti gjejë shumë shpejt zgjidhje për shkak të potencialit ekonomik që disponon dhe drejtuesit e tyre janë shprehur të gatshëm ti paguajnë Aston Villas plot 100 milionë euro .
Qëllimi i Pep Guardiolas është zbarkimi sa më i shpejtë i Jack Grealish në Manchester për të debutuar në finalen e Community Shield kundër Leicester City e parashikuar të luhet në 7 gusht . Megjithatë orët e fundit e kanë ndryshuar rrjedhën e ngjarjeve tek Manchester City sepse sipas ‘’ The Telegraph ‘’ sheikët e tyre kanë vendosur ta ngrejnë stekën në 117 milionë euro duke i dhënë më tepër impakt këtij objektivi .
Ky hap i ka motivuar kampionët në fuqi të Premier Leagues të cilët do të kërkojnë të bëjnë një tjetër çmenduri për golashënuesin Harry Kane që mbetet i preferuari i Pep Guardiolas .
12 gola dhe 7 asiste në 27 ndeshje janë stastistika mjaft premtuese për Jack Grealish por të jesh një hap larg Manchester City-t thekson një privilegj dhe eksperienca e marrë në tërë këto vite me siguri do t’ia hapë rrugën drejt suksesit talentit britanik .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
