Humbja e Real Madridit në ‘’ Anfield Road ‘’, e vlefshme për Champions Leaguen ka filluar të pasohet nga një analizë nga drejtuesit, kryesisht trainerit Xabi Alonso.
Qartësisht tek ‘’ Galaktikët ‘’ aktualiteti nuk është ai i prituri dhe një ndër lojtarët i cili rrezikon qëndrimin në ‘’ Santiago Bernabeu ‘’ është Rodrygo Goes.
Në fakt presidenti Florentino Perez ka filluar të veprojë me seriozitet referuar kësaj teme dhe në orët e fundit e ka ulur pretendimin për sulmuesin.
Niveli i 24 vjeçarit ka ardhur në rënie gjatë sfidave të kësaj faze të parë të sezonit dhe ky fakt nuk tolerohet tek kryeqytetasit.
Duhet thënë se përpara një viti bosi i ‘’ Los Merengues ‘’ pretendonte rreth 90-100 milionë euro për golashënuesin por kjo shifër tashmë arrin 50-55 milionë eurot, sipas ‘ Defensa Central ‘.
Sigurisht kjo rënie e theksuar e rendimentit lë vend për dyshime dhe tek Real Madridi besojnë se zgjidhja e duhur është largimi i Rodrygo Goes.
Ndryshimi i skemave nga ish-i i Bayer Leverkusenit në njëfarë mënyre e ka penalizuar asin e ofensivës dhe nga ky moment tashmë po tentojnë të përfitojnë drejtuesit e Chelseat.
Londinezët po e shqyrtojnë situatën e tij, edhe pse beson se do të jetë pjesë e gjigandëve të La Ligas dhe Europës për më gjatë.
Deri më tani Rodrygo Goes numëron vetëm 12 sfida me ish fituesit e Champions Leagues, shumë pak për një lojtar të këtij kalibri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
