Gazetari Pano Xhixho, duke iu referuar mungesës së Antoni Beji ndaj Partizanit, tha se sulmuesi ka probleme me klubin e Bylis.
Në emisionin “Skaner” në MCN TV, duke iu referuar ndeshjes, Xhixho u shpreh se ndeshja mund të mbyllej edhe barazim.
Mund të vesh re, një lloj qëndrueshmërie, te Partizani. Kishin mungesën e Hotit, për shkak dëmtimi. Qëndrueshmëria në lojë e Partizanit, është e dukshme. Ishte një ndeshje, që mund të dilte në barazim. Bylisi kishte rastet e veta për të shënuar. Kjo është një nga fushat dhe një nga skuadrat më të vështira të kampionatit.
Këto janë 3 pikë shumë të rëndësishme në rrugën drejt titullit. Bylisi ka një nga sulmuesit më të mirë, si Antoni Beji dhe mungesa e tij është e rëndësishme. Sipas informacioneve që kam, ka probleme kontraktuale me klubin. Nëse ndeshja mbyllej barazim, asnjëra skuadër nuk do vidhte asgjë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
