Kuqezinjtë e drejtuar nga tekniku italian, Kristian Panuçi, pas humbjes turpëruese të marrë në miqësoren e parë kundër Kosovës, të njëjtën gjë ka përsëritur dhe në takimin e sotëm përballë Ukrainës duke humbur me rezultatin e thellë 4-1.
Edhe në miqësoren e sotme u vu re një ekip që nuk shfaq asnjë dëshirë për të fituar, ku loja është krejtësisht skandaloze dhe reparti më i turpshëm është mbrojtja.
Një repart tërësisht katastrofik që u dha mundësinë sulmuesve Ukrainës të dhuronin spektakël dhe të shënonin tre gola.
Skuadra e drejtuar nga trajneri Andri Shevçenko arriti që të mbyllë ndeshjen që në pjesën e parë duke shënuar që të tre golat e takimit.
I pari që hapi serinë e golave për ukrainasit ishte Konoplianka në minutën e 31-të, ndërsa në të 36-tën dhe të 45-tën Jarmolenko shënoi një dopietë duke i mbyllur 45 minutat e parë me shifrat 3-0.
Pjesa e dytë nuk dhuroi shumë raste pavarësisht tentativave të bëra nga të dyja ekipet, por që ishin të parrezikshme për portierët Berisha dhe Lunin.
Reagimi i Shqipërisë erdhi në minutën e 87-të me anë të Emanuele Ndojit që shënoi golin e nderit, por Ukraina u përgjigj vetëm pas një minute me anë të Konoplyanka që vulosi shifrat në 1-4.
Në këtë mënyrë, Shqipëra merr një tjetër disfatë të rëndë që na kthen pas në kohë në një ekip që kundërshtarët talleshin me ne!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
