Gnabry në radarët e Real Madridit

E ardhmja e Serge Gnabry është vënë në pikpyetje në kohët e fundit . Bayern Munchen  nuk po e gjen dot gjuhën e përbashkët me gjermanin për vijimin e  bashkjetesës në  ‘’ Allianz Arena ‘’ dhe të mëdhatë e kontinentit duan t’ia rrëmbejnë 26 vjeçarin.

Sulmuesi e ka theksuar disa herë se kërkon qëndrimin tek gjigandët e Bundesligës kundrejt 15 milionë eurove në sezon por sipas ‘ Sky Alemania ‘ , bavarezët kanë treguar se nuk janë në lartësinë e kërkesave të Serge Gnabry-t duke i vënë pikpyetje kësaj historie .

Real Madrid, Barcelona , Manchester United dhe Liverpooli nuk kanë menduar gjatë por janë përfshirë në skenë për një nxënës shembullor .

Kjo histori e ka një shpjegim ndryshe në krahasim me shumë të tjera pasi ishi i Hoffenheim duket sikur është ngopur me sukseset tek Bayerni dhe dëshiron hapjen e një dritare të re në karrierë.

 Komponentët më të rëndësishëm të klubit dëshirojnë domosdsohmërisht qëndrimin e Serge Gnabry-t, fakt që ka marrë ‘’ Ok ‘’ e menjëhershëm edhe nga Julian Nagelsmann :

“  Eshtë një lojtar kyç për Bayernin dhe një ndihmë e madhe për ofensivën. Shpresoj që të vazhdojë këtu sepse do ta kemi më të lehtë me të ‘’ , theksoi ishi i Leipzigut .

 Largimi i mundshëm do të konsiderohej një minus për këtë skuadër që dëshiron të vijojë si e ka nisur , rekordmene në Bundesligë pa harruar as Champions Leaguen , kompeticion ku eksperienca e ka ndihmuar në shumë raste .

 Sipas ‘ Sky ‘ negociatat vijojnë ta pandalura sepse pas dere është Real Madridi dhe Bayern Munchen  është shquar  gjithmonë si fanatik ndaj yjeve të tij  .

12 gola dhe 12 asiste në sezonin aktual e kanë pozicionuar në vendin e dytë për sa i perket golashënuesve dhe këmbanat e alarmit ne Mynih  vijojnë të bien .

Megjithatë madrilenët  janë të vetëdijshëm për operacione të kësaj natyre  sepse në të kaluarën i treguan gjermanëve se mund të jenë të rrezikshëm në çdo moment pasi firmosën me David Alaban dhe Florentino Perez dëshiron ti dëmtojë edhe më shumë me blerjen e Serge Gnabry-t. 

Duke parë se trofetë janë ende larg , manjati spanjoll kërkon ti shfrytëzojë të gjitha mundësitë për ti servirur një skuadër yjesh Carlo Ancelottit me qëllimin e rikthimit të sukseseve në ‘’ Santiago Bernabeu ‘’ sepse kjo situatë konsiderohet e papërballueshme nga  ‘’ Galaktikët ‘’.  

Pritja është aleati më i mirë i ‘’ Los Merengues ‘’ në këto momente , për një lojtar që e përfundon kontratën në 2023-shin dhe gjatë verës  do të tentohet transferimi i ishi-t të Werder Bremenit  me parametër zero.