Starova: Teuta nuk u kap asnjëherë në kundërsulm, më pëlqeu Skënderbeu

Drejtori i Teutës, Sulejman Starova, duke folur për kualifikimin e durrsakëve në Kupë ndaj Skënderbeut, u shpreh se gjithçka e kishte bërë të lehtë avantazhi i ndeshjes së parë.

Në emisionin “Skaner” në MCN TV, Starova tha gjithashtu se i pëlqeu skuadra e Skënderbeut, por shtoi se Teuta nuk u kap asnjëherë në kundërsulm.

“Ishte fitorja në Korçë në terren të vështirë, që i dha avantazh skuadrës për ndeshjen e kthimit. Goli i sotëm i dha akoma edhe më shumë besim skuadrës. Dua të them fjalët më të mirë për Skënderbeun. Korçarët më pëlqyen, ekipi i Teutës nuk u kap asnjëherë në kundërsulm. Skënderbeu shfrytëzon shumë mirë kundërsulmin, por sot ishte një tablo ndryshe. Kjo fitore na jep besim për të luftuar edhe në kampionat.”