Pak sezone i kanë mjaftuar sulmuesit Mohamed Salah për tu shëndërruar në një emblemë tek Liverpooli .
Egjiptiani ka ditur të kuptojë shumë mirë filozofinë e Jurgen Klopp dhe uria për sukses vijon ta mbajë në elitën e lojtarëve më të spikatur . ‘’ The Redsat ‘’ kanë filluar tratativat për të siguruar përfundimisht qëndrimin e 29 vjeçarit në ‘’ Anfield Road ‘’ sepse arritjet e tij kanë befasuar anglezët .
Impakti i lënë në fitoren tenistike me shifrat 0-5 në fushën e modestëve të Watford ishte një tjetër provë për ecurinë e afrikanit dhe tashmë sipas ‘’ The Mirror ‘’ presidenca vendase ka vënë mbi tavolinë 500 mijë stërlina në javë të cilat përkthehen në 2 milionë euro në muaj duke i siguruar kështu plot 24 milionë euro në sezon golashënuesit .
Kjo ofertë perceptohet tepër e guximshme duke marrë parasysh problematikat e shkaktuara nga koronavirusi por nga ana tjetër ishi i Baselit dhe Romës i ka bërë shkëlqyeshëm detyrat dhe e meriton plotësisht .
Aksioni i Liverpoolit nënkupton edhe një lloj blindimi për Mohamed Salah për arsye se Real Madridi vijon luftën për sulmuesin, gjë që shikohet si shumë e vështirë sepse flitet për një lojtar tepër të veçantë .
Fakti se është larguar disi nga objektivat madhorë e ka forcuar Liverpoolin i cili synon rifutjen në luftë sidomos për titullin e Champions Leagues dhe me një figurë si Jurgen Klopp në stol gjithçka është e mundur.
10 ndeshjet e para e shëndërrojnë Mohamed Salah në një bomber të vërtetë sepse ka arritur 10 gola dhe 3 asiste duke lëshuar një sinjal supër të fortë se është një kandidat potencial për fitimin e Topit të Artë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
