Koha kalon si pa e kuptuar dhe shumë ekipe iu rikthehen objektivave të vjetër.
Drejtori sportiv Deco po jep maksimumin për ta dërguar Barcelonën përsëri në majat e futbollit spanjoll dhe atij europian, i cili tashmë po monitoron Karim Adeyemin.
Sulmuesi prej kohësh po evidenton tek Borussia Dortmundi se mbetet një ndër më cilësorët, i cili mund të adaptohet pa vështirësi si në krahun e majtë ashtu edhe në të djathtin.
Shpejtësia, lëvizjet tejet teknike dhe menaxhimi perfekt i topit janë disa cilësi që spikasin tek 23 vjeçari, për të cilin krerët e ‘’ Verdhezinjve ‘’ synojnë të arkëtojnë jo më pak se 80 milionë euro.
Shifra të tilla përbëjnë një sfidë më vete për xhepat e Joan Laportas dhe duke iu referuar këtij fakti nuk përjashtohet një shkëmbim i mundshëm gjatë merkatos vijuese.
Për më tepër eksperienca sidomos në Champions League është një avantazh për transferimin e mundshëm në ‘’ Camp Nou ‘’ por për arritjen e këtij objektivi fillimisht ‘’ Los Cules ‘’ duhet të shesin lojtarë.
Pritet një merkato dimërore e vrullshme nga ‘’ Blaugranët ‘’, një ekip i cili ka ndryshuar nën drejtimin e trainerit Hansi Flick.
Ishi i Salzburgut po zhvillon sezonin e katërt me ‘’ Verdhezinjtë ‘’, i shoqëruar deri më tani me 1 gol dhe 2 asiste në 4 sfida.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
