Sulmuesi Karim Adeyemi është shëndërruar në një idhull tek Salzburgu . Rendimenti i 19 vjeçarit i ka avantazhuar austriakët për të dalë faqebardhë në Uefa Champions League ku aktualisht kryesojnë grupin G. 12 gola dhe 2 asiste në 17 ndeshje e favorizojnë të ardhmen e gjermanit dhe Bayern Munchen ka dalë në skenë .
Ky është një rast shumë i veçantë dhe deri diku mund të krahasohet me Erling Haaland që ka magjepsur në pak vite .
Gjithsesi gjatë një interviste perla e Salzburgut nuk ka preferuar të shprehet mbi të ardhmen duke theksuar se është maksimalisht i fokusuar tek e tashmja e mrekullueshme :
“ Mendoj vetëm për Salzburgun . Do të mundohem të jap 100 % dhe shpresoj qe të arrijmë gjëra të mëdha ‘’ , përfundoi Karim Adeyemi.
E kaluara e tij lidhet ngusht me rekordmenët e Bundesligës sepse ka kaluar një pjesë të rëndësishme në ekipet inferiore . Drejtuesit e gjermanëve kanë deklaruar se janë gati ti bëjnë një ofertë të parefuzueshme Salzburgut dhe ta kthejnë talentin në gjirin e tyre .
Por ideja e Bayernit është blerja e kartonit të Karim Adeyemit dhe qëndrimi i sulmuesit tek Salzburgu deri në fundin e sezonit për ta vënë nën urdhërat e Julian Nagelsmann në atë vijues .
Arsyeja është patja e një garancie nëse Robert Lewandovski do të nisë një tjetër aventurë pavarësisht se kontrata e polakut përfundon në verën e 2023- shit .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
