Duke qenë se pista Morata nuk po i hiqet nga mendja Joan Laportas , presidentit të Barcelonës i ka lindur një ide shumë interesante . Kreu i ‘’ Los Cules ‘’ ka marrë shkas edhe nga interesi i Juventusit për Memphis Depay dhe ka arritur në konkluzionin se shkëmbimi ndërmjet hollandezit dhe spanjollit mund të rezultojë një hap pozitiv nga skuadrat në fjalë .
Ishi i Lyonit nuk ka mundur të bëjë shumë tek Barcelona por çuditërisht ‘’ Zonja e Vjetër ‘’ e konsideron perfekt për ofensivën dhe nga krahu tjetër Alvaro Morata pëlqehet shumë nga Xavi Hernandez.
Massimiliano Allegri e di shumë mirë se me Federico Chiesan e dëmtuar i cili mund të mungojë për më shumë se 6 muaj, janë ulur pikët e torinezëve në lidhje me të ardhmen dhe zëvëndësimi i italianit konsiderohet emergjent , ndërsa eksperienca e 27 vjeçarit në ‘’ Camp Nou ‘’ po shfaq shumë problematika që ia ndërlikojnë objektivat spanjollëve për më tej .
Italianët kanë kërkuar ti qëndrojnë besnik lojtarit të tyre por propozimi i Barcelonës mund ti japë një tjetër verdikt kësaj historie sepse do të vinin në praktikë një ide shumë interesante e cila mund të prodhojë benefitet e dëshiruara .
Një shkëmbim i tillë do të konsiderohej ndër lëvizjet më pikante të merkatos e cila parashikohet shumë e luftuar dhe me të papritura pasi shumë ekipe të elitës po vuajnë mungesën e protagonizmit në kampionatet respektive dhe në kompeticionet europiane.
Jemi përpara një periudhë me shumë ulje-ngritje dhe duhet kohë , në rastin konkret për Juventusin dhe Barcelonën që të rimarrin veten dhe të shpalosin potencialin nga i cili karakterizohen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
