Sfida me Liverpool, Ancelotti: Ndeshje shumë e vështirë, Benzema do jetë titullar

Trajneri i Real Madrid, Carlo Ancelotti, ka folur në konferencë për shtyp, në prag të sfidës në Ligën e Kampioneve, ndaj Liverpool.

Ancelotti e quajti një ndeshje shumë të vështirë atë ndaj anglezëve, ndërsa shtoi se sulmuesi Benzema do të jetë nga minuta e parë në fushë. Tekniku italian, deklaroi se do jenë dy ndeshje ndryshe, nga ajo e finales së vitit të kaluar, ku triumfuan madrilenët.

Shoh ekipin me dëshirën për të bërë mirë, ashtu si vitin e kaluar. Po flasim për një ndeshje shumë të vështirë, por dëshira mbetet e pandryshuar.

Benzema, nesër do të jetë titullar. Edhe ai ka një dëshirë të jashtëzakonshme për këtë Champions League, pasi kujtimi i të kaluarës është shumë i freskët.

Finalja në Francë për mua ishte diçka shumë e bukur. Jam dakord me Klopp kur thotë se ishte një finale shumë e barabartë, ku Liverpool kishte më shumë mbajtjen e topit, por ishim të pozicionuar mirë mbrapa. Por kjo është ndryshe, ka dy ndeshje, duhen bërë mirë të 180 minutat.

Ne nuk kemi ndryshuar, por e dimë se çfarë na pret në këtë sfidë, që do të thotë të mos kemi kohë as për të marrë frymë. Liverpool të sulmon, të sulmon dhe të sulmon, jem të përgatitur për këtë.