Fillimi i sezonit për Romën ka rezultuar shumë shpresëdhënës . Menjëherë është evidentuar influenca e Jose Mourinhos , trainer që është rikthyer pas shumë sezonesh në Serinë A për të vendosur përsëri diktatin . Për luzitanin fjalët janë të tepërta sepse ku ka vënë këmbën ka triumfuar , përveç eksperiencës me Tottenham Hotspurin .
Me vetëm 2 humbje dhe 7 fitore në 9 ndeshjet e fundit ‘’ The Special One ‘’ i ka dhënë sinjalet se skuadrat e mëdha do të kenë shumë probleme në momentin kur do të përballen me Romën .
Uria për sukses e ka vendosur me të drejtë ndër më të mirët e trainingut dhe deri më tani rrugëtimi i tij tek ‘’ Verdhekuqtë ‘’ ka rezultuar efikas . Por megjithatë për të ruajtur të njëjtin ritëm gjatë gjithë sezonit është e domosdoshme një merkato cilësore dhe fatmirësisht drejtuesit e kryeqytetasve janë shprehur që në fillim të gatshëm ti plotësojnë çdo kërkesë trainerit 58 vjeçar.
Sipas Corriere dello Sport objektivat e rradhës për ishi-n e Portos , Manchester United , Interit , Real Madridit , Chelseat dhe Tottenham Hotspurit janë Diogo Dalot dhe Denis Zakaria që mbrojnë respektivisht ngjyrat e Manchester United dhe Borussia Monchengladbahu-t . Qëllimi i tij është përforcimi i anës së djathtë të mbrojtjes dhe qendrën e mesfushës për të evituar problematikat e mëtejshme .
Zviceriani e përfundon kontratën në verën e 2022-shit dhe ka deklaruar në disa raste se synon të largohet nga Gjermania për të provuar një tjetër aventurë ndërsa Diogo Dalot është një preferencë e hershme e luzitanit .
Situata tek ‘’ Djajtë e Kuq ‘’ momentalisht nuk konsiderohesht shumë e favorshme për qëndrimin në ‘’ Old Trafford ‘’ dhe pas dere ka një opsion mëse interesant për vijimin e karrierës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
