Monza bëri një arritje historike ditën e djeshme, teksa për herë të parë nga krijimi, siguroi ngjitjen në Serie A, pasi fitoi finalen e “play off” ndaj Pisa.
Pas ndeshjes, presidenti i klubit, Silvio Berlusconi, u shfaq shumë i lumtur, ndërsa deklaroi se tashmë objektivat e skuadrës janë titulli i kampionit në Serie A dhe kualifikimi në grupet e Champions League.
Një natë magjike. Arritëm diçka historike për këtë skuadër që në 110 vite nuk ishte ngjitur kurrë në Serinë A, por unë jam nga ata persona që kur i futem diçkaje dua të marr gjithçka. Prandaj, objektivi i ardhshëm i Monzës është titulli në Serinë A, grupet e Champions League dhe fitorja në Europë.
Më herët, Berlusconi ka qenë edhe president i Milanit në Itali, me të cilët fitoi gjithçka.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
