Shpërthimi i Mikel Jauregizar me Athletic Bilbaon menjëherë ka filluar të vihet re nga drejtuesit e Real Madridit.
Prej kohësh tek ‘’ Galaktikët ‘’ kanë nisur tratativat për të përforcuar mesfushën dhe në zyrat e ‘’ Santiago Bernabeut ‘’ së fundmi janë analizuar disa opsione.
21 vjeçari i vaskëve po zhvillon një sezon për tu mbajtur mend, i padiskutueshëm në 11-shen e Ernesto Valverdes.
Një ndër politikat e klubit ‘’ Merengues ‘’ lidhet me transferimin e talentëve të cilët do të jenë përfaqësuesit më të denjë në të ardhmen e afërt.
Për më tepër Mikel Jauregizar konsiderohet nga ekspertët një ndër më premtuesit në Spanjë, arsye e mjaftueshme për tu pretenduar nga Real Madridi.
Interesi i ‘’ Los Blancos ‘’ ia rrit automatikisht vlerat dhe i jep një mundësi për ta analizuar me detaje të ardhmen, ndoshta larg ‘’ San Mames ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
